मगरीच्या हल्यात युवक ठार
भिलवडी:वार्ताहर
अंकलखोप येथिल युवक अजित अनिल गायकवाड ( वय - ३२) काल ( दि. - १ ) रोजी कृष्णा नदीवर दुपारी १ वा पोहण्यासाठी गेला होता. दुपारी घरी न आल्यामुळे घरातील लोकांनी गावात शोधा शोध सुरू केली. मात्र तो सापडला नाही. सकाळी (दि - २ ) रोजी गावातील लोक नदीवर पोहण्यासाठी गेले असता त्यांना नदी काठावर कपडे व चप्पल आढळुन आले. यानंतर नागरिकांनी कपडे नदी काठावर असल्याची सुचना अजितच्या घरच्यांना दिली. त्यानंतर संबंधीत कपडे व चप्पल अजितचे असल्याचे घरच्यांनी ओळखले.
अजित चा चुलत भाऊ अविनाश बाळासो गायकवाड यांनी अजित हरविला असल्याची तक्रार दि. २ रोजी सकाळी भिलवडी पोलिस स्टेशन ला दिली. त्यानंतर भिलवडी पोलिस व वन विभागाचे कर्मचारी, ग्रामस्थ यांनी नितीन गुरव यांच्या मदतीने नदी पात्रात बोटीतुन शोधा शोधा सुरू केली. दुपारी सव्वाचारच्या सुमारस भिलवडी येथील हाळभाग येथे अजितचा मृतदेह झुडपात तंरंगताना आढळला. मृतदेह पाण्यातुन बाहेर काढला असता डाव्या हाताचाड दंडाचा काही भाग व चेह-याचा निम्मा भाग मगरीने खाललेले आढळले. मगर हल्ल्यात मयत अजितच्या कुटूंबीयांना मदतीसाठी लागेल ती मदत करण्याची ग्वाही वन क्षेत्रपाल संतोष शिरसाटवार यांनी दिली. यावेळी वनपाल सुजित गवते, वनपाल कडेगांव - पलुस सुरेखा लोहार, सपोनि के. बी. हारूगडे व पोहेकॉ सुनिल सुर्यवंशी, स्वप्नील शिंदे, सह ४ होमगार्ड यांनी शोधकामात मदत केली.
No comments:
Post a Comment